Trajnerja e biznesit dhe jetës, Meg Taylor Morrison, nga Atlanta, Georgia, gjithmonë kishte dashur të martohej në Halloween të 2020-ës, por pasi u nda nga partneri vetëm 4 muaj para dasmës, ëndrrat e saj u prishën.
Kjo, derisa ajo zbuloi ceremoninë e “vetë-martesës” dhe vendosi që nuk donte të priste partnerin e përsosur, përpara se të organizonte ceremoninë e saj të përsosur të martesës.
Ajo kaloi muaj duke planifikuar ceremoninë e dasmës (me veten), të cilën ajo e quajti një akt dashurie ndaj vetvetes dhe madje e vulosi këtë duke puthur reflektimin e saj në një pasqyrë.
Ashtu si shumica e nuseve të ardhshme, Meg planifikoi me kujdes ditën e saj të veçantë për muaj me radhë, porositi një tortë martese të bërë me porosi, zgjodhi fustanin perfekt dhe natyrisht, zgjodhi një unazë diamanti vezulluese.
Ajo pranon se nuk u ndje gjatë gjithë kohës komode, me planifikimin e një dasme për një person dhe shpesh shqetësohej se mos ndoshta të afërmit do e mendonin këtë vendim si narcist.
Mamaja e Meg fillimisht ishte e shqetësuar sepse mendonte se vendimi i saj për t’u martuar me veten ishte egoist. Megjithatë, për Meg, arsyeja kryesore pse donte të martohej, ishte të përmbahej nga përpjekja për të kënaqur njerëzit e tjerë dhe ta vendoste veten në vend të parë.
Vetë ceremonia u ndoq nga dhjetë miq dhe familjarë. Ajo mbërriti në altar nën tingujt e këngës “Here Comes the Bride”, lexoi zotimet që i kishte shkruar vetes, pranoi unazën e saj të martesës dhe puthi veten në pasqyrë.
Pas ceremonisë, të gjithë miqtë dhe familja e Meg vallëzuan, ndanë tortën dhe hëngrën ushqime tradicionale tajlandeze.
Për Meg, martesa ishte një përvojë jashtëzakonisht pozitive që e kujtoi atë t’i besonte gjykimit të saj dhe të vinte në radhë të parë shëndetin dhe lumturinë.
Burimi: Whats New 2 Day
