Pjesëtari i Policisë së Kosovës, i cili është sulmuar sot nga Policia serbe në zonën kufitare mes Kosovës e Serbisë është Abdullah Zeqiri, bëjnë me dije burime të Gazetës Sinjali.
Abdullah Zeqiri, më herët ka qenë pjesë e njësisë speciale operative, derisa tash është një njësisë e reagimit të shpejtë në Policinë kufitare në Veri, derisa ka qenë edhe pjesëtar i UÇK-së.
Burimet bëjnë me dije se Zeqiri është sulmuar pas hyrjes në territorin e Serbisë për afro 400 metra.
Sipas informacioneve, pjesëtarin e Policisë kosovare, pala serbe tentoi ta nxjerrë jashtë autobusit duke e quajtur ‘terrorist’, për shkak se i njëjti ka qenë pjesë e Ushtrisë Çlirimtare të Kosovës.
Pas rezistimit të tij, ai është sulmuar nga disa policë kufitarë të Serbisë, veçse ka arritur të ikë duke e kaluar kufirin për në Kosovë në këmbë./Sinjali/
