Në ditët e errëta të krizës financiare të vitit 2008, Rahm Emmanuel, në atë kohë këshilltar i Barack Obamas, tha: “Mos lejoni kurrë që një krizë e mirë të shkojë dëm”.
Tarifat janë një krizë për prodhuesit e automjeteve, por një krizë në të cilën Nissan sheh një avantazh.
“Ne kemi një mundësi, mendoj, me këtë tarifë”, tha Vinay Shahani, shefi i shitjeve dhe marketingut të Nissan USA.
“Ne jemi shumë me fat që kemi një gjurmë të fuqishme industriale në SHBA, në Smyrna në Tennessee…dhe në Kanton, Misisipi, dhe mendoj se është mundësia për të nxitur dhe për të shfrytëzuar vërtet disa nga këto modele që ndërtojmë në SHBA.”
Nissan ka ndërtuar vetura në Smyrna që nga viti 1983 dhe aktualisht prodhon Rogue – më i shituri i tij – Pathfinder, Murano dhe Infiniti QX60.
Në Kanton, ajo ndërton Frontier dhe Altima.
Nissan prodhon shumë modele të njohura dhe të përballueshme si Sentra, Versa dhe Kicks në Meksikë dhe importon disa pjesë nga Japonia.
Por, veturat që prodhon në SHBA përfaqësojnë një pjesë të mirë të shitjeve totale të saj, përcjell Telegrafi.
Tani, Shahani thotë se Nissan po zhvendos më shumë prodhim Rogue nga Japonia në SHBA.
Dhe së shpejti, Nissan do të ketë një Rogue të gjeneratës së re me një sistem motorik hibrid të shumëpritur, duke përfshirë një variant plug-in.
Marka pati disa muaj të trazuar, me bisedime për bashkim me Hondan që nuk shkuan askund, dhe CEO i vjetër i saj u zëvendësua.
Por nuk janë të gjitha lajme të këqija.
Shefi i ri Ivan Espinosa ka injektuar pak energji në kompani dhe në SHBA, shitjet janë të forta.
Deri më 1 prill, ajo është rritur 5.7% nga viti në vit dhe gama e gjerë e modeleve të saj të përballueshme po shijon një lëvizje më të madhe drejt veturave më të lira në Amerikë.
Ndryshe, veturat ishin tashmë të shtrenjta përpara tarifave, dhe shumica e indikacioneve tregojnë për rritje të mëtejshme të çmimeve gjatë muajve të ardhshëm.
Pandikuthira thotë se është e rëndësishme që Nissan të bëjë përmirësime të mëdha me gjeneratat e reja të modeleve të tij të përballueshme, pa rritje të mëdha çmimesh.
Është diçka që tashmë po funksionon mirë.
“Ne kemi arritur atë pikë si një markë e aksesueshme”, tha ai.
“Ka një mundësi të madhe në treg për këto automjete nën 30,000 dollarë,” shton Shahani. “Ne kemi gjashtë makina që fillojnë nën 30,000 dollarë.” /Telegrafi/
