Ylli ukrainas i futbollit planifikon të presë refugjatët në shtëpi
Ish-legjenda e futbollit ukrainas Andriy Shevchenko thotë se do të pranojë familje refugjatësh në shtëpinë e tij në Surrey, pasi synon të mbështesë 150 ukrainas në Mbretërinë e Bashkuar.
Ish-sulmuesi i Chelsea dhe Milan është ka nisur një llogari për të mbledhur para për vendin e tij.
Ai i tha BBC se ishte një “kohë shkatërruese” për të, familjen e tij dhe të gjithë ata në Ukrainë.
Ai thotë se kishte shumë miq që donin të ndihmonin në sigurimin e akomodimit, duke përfshirë edhe banesat e studentëve.
Shevchenko thotë se ka folur me ambasadorin në Ukrainë dhe shpreson të presë disa familje në shtëpinë e tij.
Ai shton se familja e tij ndoshta do të qëndronte në Ukrainë, veçanërisht pasi nëna e tij ka një gjendje shëndetësore që e bëri të vështirë për të largimin nga Kievi.
“Kjo është një situatë me të cilën po përballen qindra e mijëra familje në Ukrainë dhe ne duhet të marrim një vendim,” thotë ai.
Ai gjithashtu falënderoi njerëzit në Mbretërinë e Bashkuar dhe në mbarë botën për mbështetjen e tyre për Ukrainën. /abcnews.al/
