Myrto Uzuni protagonist në derbin e kryeqytetit të Hungarisë, Ujpest-Ferencvaros, që u mbyll me fitoren e thellë të skuadrës së sulmuesit të Kombëtares Shqiptare, që edhe këtë herë e mbylli sfidën duke qenë në listën e golashënuesve.
Rivaliteti mes ekipeve të dy pjesë të qytetit, që i ndan lumi Danub, Pesti dhe Buda, në fakt nuk u ndie në fushën e blertë.
Ferencvarosi e dominoi takimin, duke fituar thellë 4-0.
Në pjesën e parë shënoi Isael, ndërsa sapo nisi e dyta Tallo devijoi në portën e tij (Ujpest), duke duke thelluar epërsinë, për të ardhur më pas te minuta e 76-të, kur Uzuni praktikisht e mbylli ndeshjen.
Gjithsesi, pati kohë edhe për golin e katërt të Ferencvarosit, të shënuar nga Vecsei.
Skuadra e Uzunit kryeson kampionatin në Hungari me 46 pikë, 13 pikë më shumë se vendi i dytë Mol Fehervar.
25-vjeçari kuqezi e çon në gjashtë numrin e finalizimeve në kampionat, pa harruar edhe tre golat e realizuar në Champions League./Ekonomiaonline
