Forcat e armatosura izraelite (IDF) njoftuan se kanë miratuar planet operacionale për një sulm ndaj Libanit pasi Izraeli dhe lëvizja islamike libaneze Hezbollah mund të përshkallëzohet në luftë dhe të rrisë përleshjet ndërkufitare mes tyre.
Në kuadër të “vlerësimit të situatës”, i cili u zhvillua sot në prani të gjenerallejtënant Ori Gordin, komandant i rajonit ushtarak të Veriut dhe kreut të drejtorisë së operacioneve, gjenerallejtënant Oded Basiuk, “planet operacionale për u miratua dhe ratifikua një sulm ndaj Libanit dhe u morën vendime për vazhdimin e rritjes së gatishmërisë së trupave në terren”, njoftoi IDF.
Në Uashington, Pentagoni njoftoi se Shtetet e Bashkuara nuk duan të shohin një luftë më të gjerë rajonale në Lindjen e Mesme.
“Unë nuk do të hyj në supozime dhe spekulime rreth asaj që mund të ndodhë, vetëm për të thënë se askush nuk dëshiron të shohë një luftë më të gjerë rajonale,” tha zëdhënësi i Pentagonit Patrick Ryder.
Njoftimi i ushtrisë izraelite vjen pas një vizite në rajon nga i dërguari i posaçëm i presidentit amerikan Joe Biden, Amos Hochstein, me qëllim uljen e tensionit në kufirin Izrael-Liban./Sinjali/
