Ministrja e Drejtësisë, Albulena Haxhiu, ka bërë të ditur se në Komisionin për Legjislacion ka kaluar në parim Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme.
Në një postim në ‘Facebook’, ministrja Haxhiu ka njoftuar se votimi i këtij projektligji është i rëndësishëm që ka për qëllim ndjekjen e pasurisë së pajustifikueshme të zyrtarëve.
“Sot, përpara anëtarëve të Komisionit për Legjislacion prezantova projektligjin për Byronë me fokus ndryshimet që ndërlidhen me adresimin e gjetjeve të Gjykatës Kushtetuese, siç janë: retroaktiviteti, periudha e verifikimit, komisioni mbikëqyrës dhe ndarja e pushteteve”, ka shkruar Haxhiu.
Tutje, ajo ka falënderuar anëtarët e Komisionit për diskutimet dhe votimin e këtij projektligji. /RTKlive
