Trajneri i Bayer Leverkusen, Xabi Alonso, është shprehur se situata është “e qartë” për të ardhmen e tij, por tifozët ende nuk e dinë atë. Ata do të duhet të presin për të parë nëse ai do të qëndrojë në klubin gjerman apo jo.
Alonso është një nga kandidatët kryesorë për të marrë përsipër drejtimin e Real Madrid nëse Carlo Ancelotti largohet nga klubi spanjoll, ashtu sikurse pritet. Trajneri spanjoll është lidhur prej kohësh me këtë transferim.
“Unë gjithmonë kam thënë se komunikimi im me Simon Rolfes (drejtor sportiv i Leverkusen) dhe Fernando Carro (CEO i Leverkusen) është shumë i qartë. Dhe, kur ka diçka për të vendosur, ne do të jemi shumë të drejtpërdrejtë“, tha Alonso.
“Besimi midis nesh ka qenë gjithmonë shumë i rëndësishëm dhe mbetet i tillë. Nuk ka presion për kohën e marrjes së një vendimi. Situata është e qartë. Ka një moment për gjithçka. Kështu që duhet të presim pak”, tha Xabi Alonso. /Telesport.al/
