Adrien Rabiot ishte pranë bashkimit me Atletico Madrid këtë verë, por një pengesë e papritur përfundoi duke e larguar mesfushorin francez nga klubi bardhekuq.
Siç zbuloi agjenti i lojtarëve, Bruno Satin, nëna e francezit, Veronique Rabiot, ishte kryesisht përgjegjëse për mos suksesin e negociatave.
Atletico Madrid, në përpjekjen e tyre për të forcuar mesfushën, i kishte vënë sytë nga Rabiot, i cili i dha fund kontratës me Juventus-in.
Megjithatë, sipas Satin, këmbëngulja e Veronique për të mbikëqyrur drejtpërdrejt negociatat dhe për të marrë vendime në emër të djalit të saj u dëshmua të ishte një pengesë e madhe për klubet e interesuara.
Vetë agjenti deklaroi se nëse Rabiot do të përfaqësohej nga profesionistë të pavarur, ai do të luante për një ekip elitar evropian.
Siç thekson “ElDesmaeque”, Satin raportoi se drejtori sportiv i Atletico-s kishte disa biseda me nënën e lojtarit, por qëndrimi jo fleksibël dhe kontrollues i Veronique bëri që negociatat të ngecin.
“Pasi fola dy herë me të, vendosa të mos vazhdoj”, ka komentuar menaxheri i Atletico-s, sipas agjentit.
Në fund, Atletico zgjodhi alternativa të tjera në treg dhe përfundoi nënshkrimin e Conor Gallagher për të përforcuar mesfushën.
Rabiot, nga ana e tij, përfundoi nënshkrimin për Marseille, duke i mbyllur kështu derën për një aventurë të mundshme në La Liga. /Albanianpost.com
