Volodymyr Zelensky sapo ka postuar në Telegram një video, duke reaguar ndaj sulmeve vdekjeprurëse të Rusisë gjatë natës në Ukrainë.
Ai thotë se kanë kaluar 44 ditë që kur Kievi ra dakord për një armëpushim të plotë, por thotë se Rusia “vazhdon të vrasë njerëz dhe të shmangë presionin e ashpër dhe përgjegjësinë për këtë”, transmeton Telegrafi.
“Është shumë e rëndësishme që të gjithë në botë të shohin dhe të kuptojnë se çfarë po ndodh realisht”, tha Zelensky.
Duke reflektuar mbi sulmet me raketa dhe dron të nisura nga Moska gjatë natës, Zelensky tha se kishte “shumë shkatërrime” dhe se, deri më tani, “më shumë se 80 njerëz janë plagosur në të gjithë Ukrainën”.
Ai shtoi se i ka kërkuar ministrit të Mbrojtjes të Ukrainës që “të kontaktojë menjëherë partnerët tanë, në lidhje me kërkesat tona për të forcuar mbrojtjen ajrore”.
Zelensky sot në mëngjes ndodhet në Afrikën e Jugut, ku do të takohet me presidentin Cyril Ramaphosa.
Por, pas sulmeve të mbrëmshme, udhëheqësi ukrainas thotë se tani do të shkurtojë një pjesë të vizitës së tij dhe do të kthehet menjëherë në Ukrainë.
Ai thotë se ministri i jashtëm Andrii Sybiha në vend të kësaj do të mbajë “të gjitha takimet e nevojshme” në Afrikën e Jugut, për të “informuar plotësisht liderët politikë dhe publikë të vendit për situatën”. /Telegrafi/
